| Ragnar Ulstein | |
| Statsborgarskap | Noreg |
| Fødd | 19. april 1920 Ulstein kommune 
|
| Død |
3. desember 2019 (99 år) |
| Yrke | journalist, skribent, motstandskjempar |
| Politisk parti | Venstre |
| Medlem av | Kompani Linge |
| Prisar | Den britiske militærmedaljen, Kongens fortenestmedalje, Haakon VIIs 70 års medalje, Møre og Romsdal fylkes kulturpris, Deltakarmedaljen, Forsvarets heiderskross, Hirschfeldtprisen |
Ragnar Leif Ulstein (fødd 19. april 1920 i Ulstein på Sunnmøre, død 3. desember 2019) var ein norsk journalist og forfattar. Han tok eksamen artium i Volda i 1940. Under andre verdskrigen, i juni 1941, reiste han til Shetland i ein fiskebåt saman med 16 andre. Han var ein av dei første som kom med i Kompani Linge, tok befalsutdanning, og vart telegrafist. I desember 1941 var han med under landgangen i Reine i Lofoten. På slutten av krigen var han i Noreg som instruktør for Milorgstyrkane i Sogn og Fjordane.
Etter krigen var Ulstein velferdsoffiser i Tysklandsbrigaden. Han var medforfattar til soga om Kompani Linge. Han var redaktør for Filmavisen. Seinare har han vore journalist i Bergens Tidende og i Sunnmørsposten.
Ragnar Ulstein skreiv fleire arbeidskrevjande bøker om tilhøva under krigen, mellom dei Englandsfarten, Svensketrafikken og Etterretningstjenesten i Norge 1940–1945. Han skreiv òg romanar med innhald frå verdskrigen.
Ulstein arbeidde òg for å forbetre kåra til krigsinvalide.